Hillary Clinton ka thënë se Donald Trump nuk do t’i fitojë zgjedhjet e ardhshme dhe se Joe Biden do të rizgjedhet sërish si president cilido qoftë kandidati republikan. Ish-kandidatja demokrate për presidente dhe ish-sekretarja e amerikane e shtetit tha se “më shumë njerëz kanë dyshime ndaj Trump dhe sjelljen e tij se sa ishin më parë”.
Clinton kishte pretendime të shumta nga Trump, duke përfshirë akuzat për spiunim ndaj tij dhe manipulim të zgjedhjeve presidenciale të vitit 2016 në favor të saj, pavarësisht se ai e mundi atë.
Por Clinton tha se ish-rivali i saj do ta shohë rikthimin e tij, teksa përpiqet të kandidojë përsëri për president.
“Ai akuzon njerëzit për gjërat që ai vetë po bën, është një formë projeksioni psikologjik”.“Gjithmonë e kam menduar rekordin e tij në biznes në veçanti, por atëherë siç e pamë atë në politikë dhe qeverisje, ai ishte dikush që nuk kujdesej për rregullat. Atij nuk i interesonte asgjë për ligjin”, ka thënë Clinton në një intervistë për Sky News.
Clinton shtoi se pavarësisht se Trump u padit dhe u bë ish-presidenti i parë që përballet me akuza penale, nuk ka asgjë në sistemin ligjor të ShBA-së që do ta pengonte atë të kandidojë përsëri për president, shkruan Sky News.
