Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se në total numri i rasteve aktive me COVID-19 është 103.
Në 24 orët e fundit janë regjistruar 22 raste të reja me COVID-19, nga 113 testime sa janë bërë gjithsejtë.
Sipas raportit të fundit, nuk ka pasur asnjë person të vdekur, ndërsa janë shëruar 3 persona.
Siç njofton Ministria e Shëndetësisë, prej fillimit me COVID-19, në Kosovë, janë konfirmuar 273,771 raste, kanë vdekur 3,215 persona, kurse janë shëruar gjithsejtë 270, 453.
