Një tjetër ngjarje e rëndë ka ndodhur në spitalet turke, ku raportohet se një tjetër vajzë e re, këtë herë britanike, ka ndërruar jetë teksa i nënshtrohej një operacioni dobësimi në Turqi.
Bëhet fjalë për 28-vjeçaren, Shannon Bowe, e cila vdiq tragjikisht në fundjavë gjatë procedurës së humbjes së peshës, e cila përfshin vendosjen e një shiriti rreth stomakut për të ulur konsumin e ushqimit.
Ajo udhëtoi drejt Turqisë për t’iu nënshtruar operacionit. Është e paqartë se në cilin spital ajo po bëhej operacion apo cilat komplikime çuan në vdekjen e saj. Të afërmit dhe miqtë e saj janë tronditur nga kjo ngjarje e rëndë.
Kirurgjia e shiritit gastrik përfshin vendosjen e një shiriti gastrik rreth majës së stomakut duke krijuar një qese të vogël. Kur pacienti ha, qesja e vogël mbushet më shpejt se stomaku i tyre normalisht, duke i bërë ata të ndihen më të ngopur me më pak ushqim.
Procedura thuhet se ndihmon pacientët të hanë më pak, të hanë më ngadalë dhe të humbin peshë. Sipas autoritetit të kujdesit shëndetësor, operacioni i brezit të stomakut zakonisht zgjat më pak se një orë, duke mos përfshirë kohën e nevojshme për nxitjen e anestezisë dhe zgjimin e pacientit.
Procesi i përgjithshëm duhet të zgjasë rreth tre deri në katër orë. Vetëm 1 në 1000 pacientë ka të ngjarë të mos i mbijetojë procedurës.
Kujtojmë se, ky është rasti i dytë brenda pak ditësh që një paciente “u ngel mjekëve në dorë”gjatë procedurës për heqjen e stomakut, që përdoret për humbje në peshë, te personat obezë.
Aylar Korhanova, 46 vjeç, nga Turkmenistani, vdiq në një spital privat në Tuzla të Turqisë, vetëm pak çaste pas një ndërhyrjeje rutinë për heqjen e stomakut.
