Kryetari i Kuvendit të Kosovës, Glauk Kojufca po vazhdon vizitën në Shtetet e Bashkuara të Amerikës (ShBA), me ç’rast është takuar me kongresistin amerikan, Ritchie Torres.
“Përherë kënaqësi ta takoj Kongresistin dhe mikun e madh të Kosovës e shqiptarëve, z.Ritchie Torres. Gjatë takimit të ngrohtë diskutuam për bashkëpunimin e ngushtë Kosovë – SHBA, zhvillimet politike në shtetin tonë dhe mbështetjen amerikane për proceset euroatlantike të Republikës së Kosovës”, ka shkruar Konjufca.
Në atë që është postuar thuhet se kongresisti Torres ka thënë se ShBA-ja nuk ka mik më të mirë se Kosovën dhe Kosova nuk mund të ketë mik më të mirë në botë se ShBA-në.
“Jam thellësisht mirënjohës për përkrahjen e vazhdueshme të Kongresistit Torres ndaj Republikës së Kosovës dhe përkushtimin e tij në forcimin e miqësisë dhe thellimin e marrëdhënieve dypalëshe me Shtetet e Bashkuara të Amerikës”, ka shkruar në postimin e tij kryekuvendari Konjufca.
