Kryetari Partisë Demokratike të Kosovës, Memli Krasniqi, është takuar me studentët të mjekësisë me të cilët ka diskutuar për të ardhmen e tyre pas diplomimit në Kosovë.
Sipas Krasniqit të rinjtë janë të zhgënjyer nga keqqeverisjet dhe duan garanci për të mos u larguar nga Kosova.
“Duke qenë të indinjuar me brishtësinë e ekonomisë, sistemit arsimor dhe atij shëndetësor, si pasojë e keqqeverisjes, vajzat dhe djemtë e Kosovës duan një garancë për një të ardhme të sigurt këtu”,ka theksuar ai.
“Shumë prej tyre e kanë humbur besimin në institucionet e Kosovës, prandaj nuk po e shohin ndërtimin e së ardhmes së tyre në vend”.
“Prandaj, është e domosdoshme të bëhemi bashkë dhe të veprojmë menjëherë për të ndalur emigrimin masiv të qytetarëve. PDK është e përkushtuar në këtë mision për ta rikthyer shpresën dhe besimin në Kosovë”, ka shkruar Krasniqi në rrjetin social Facebook.
Më poshtë mund ta lexoni postimin e plotë të kryetrarit të Partisë Demokratik të Kosovës, Memli Krasniqi.
Në takimin që pata me studentë të Fakultetit të Mjekësisë, diskutuam rreth planeve dhe vizionit që ata dhe kolegët e tyre kanë për të ardhmen, pas diplomimit dhe ballafaqimit me tregun e punës.
Është shqetësuese që pjesa dërmuese e të rinjve tanë, e në veçanti studentët e programeve të mjekësisë, si dhe mjekët e rinj, po ndjekin rrugën e mërgimit, në mungesë të cilësisë në arsim, perspektivës, pagave dinjitoze, kushteve të mira dhe sigurisë në punë. Shumë prej tyre e kanë humbur besimin në institucionet e Kosovës, prandaj nuk po e shohin ndërtimin e së ardhmes së tyre në vend.
Duke qenë të indinjuar me brishtësinë e ekonomisë, sistemit arsimor dhe atij shëndetësor, si pasojë e keqqeverisjes, vajzat dhe djemtë e Kosovës duan një garancë për një të ardhme të sigurt këtu.
Prandaj, është e domosdoshme të bëhemi bashkë dhe të veprojmë menjëherë për të ndalur emigrimin masiv të qytetarëve. PDK është e përkushtuar në këtë mision për ta rikthyer shpresën dhe besimin në Kosovë.
