Zëvëndëskryeministri i parë i Kosovës, Besnik Bislimi, ka përkujtuar mësuesin e tij të ndjerë në urimin e tij për Ditën e Mësuesit
Zëvëndëskryeministri i parë i Kosovës, Besnik Bislimi, ka uruar për Ditën e Mësuesit.
Në urimin e tij përfshihet dhe ai për mësuesin e tij të ndjerë, Hamit Veseli, i cili thotë se ka bërë “punë të shkëlqyer dhe të palodhshme”.
“Ky urim shkon për mësuesit e dashur, të cilët profesionin e bukur të mësuesisë e kanë shndërruar në mision. Në mesin e tyre, padyshim që një vend i veçantë i takon edhe mësuesit tim, të ndjerit Hamit Veseli, për punën e shkëlqyer dhe të palodhshme që ka bërë”, ka shkruar Bislimi.
“Gëzuar ditën e mësuesit për të gjithë mësimdhënësit”, thuhet tutje në postimin e zëvëndëskryeministrit Bislimi.
