Sot do të mbahet mbledhja e Kryesisë së Kuvendit të Republikës së Kosovës.
Në këtë mbledhje në rend ditë është propozimi i rendit të ditës për seancën plenare të re.
Sipas njoftimit nw rend dite Kryesia ka këto pika për përgatitjen e seancës së re plenare: Deklarimet jashtë rendit të ditës, pyetjet parlamentare, shqyrtimi i dytë i Projektligjit për pyjet, shqyrtimi i dytë i Projektligjit për sigurinë e përgjithshme të produkteve, shqyrtimi i parë i Projektligjit për shëndet riprodhues dhe fertilizim të asistuar mjekësor, shqyrtimi i parë i Projektligjit për ndryshimin dhe plotësimin e Ligjit për minierat dhe mineralet, i ndryshuar dhe plotësuar me Ligji.
Në rend dite është edhe shqyrtimi i Raportit të Performancës së Ndërmarrjeve Publike Qendrore për vitin 2021, shqyrtimi i Rekomandimeve lidhur me Raportin e auditimit “Sistemi i licencimit të hidrocentraleve dhe monitorimi i tyre mbi ndikimin në mjedis dhe ujëra”, shqyrtimi i Rekomandimeve lidhur me Raportin e auditimit “Performanca financiare dhe operative NP “Trepça Sh.A” dhe emërimi i drejtorit dhe zëvendësdrejtorit të Sekretariatit Ekzekutiv të Agjencisë për Krahasim dhe Verifikim të Pronës.
