Sindikata e punëtoreve të Autoritetit të Aviacionit civil të Kosovës (AAC) ka njoftuar se Këshilli i Pavarur Mbikëqyrës i Shërbimit Civil të Kosovës (KPMSHCK), ka kthyer anuluar vendimin e drejtorit të Përgjithshëm të AAC-së, Bujar Ejupi, me të cilin, sipas tyre, ishte degraduar në pozitë kryetari i Sindikatës, Arianti Dobroshi.
“KPMSHCK-ja poashtu ka anuluar Akt Emërimin e lëshuar nga Safete Selmani, menaxhere e personelit në AAC e cila në bashkëveprim me Bujar Ejupin ka tentuar të dëmtojë në mënyrë të kundërligjshme z. Dobroshi. KPMSHCK-ja ka vlerësuar se vendimi i Bujar Ejupit është i pabazuar, në shpërputhje me parimin e sigurisë juridike dhe në shkelje të dispozitave materiale”, thuhet në komunikatën e Sindikatës.
Sipas tyre me qëllim përndjekjeje, Ejupi ka nxjerrë 5 vendime dëmtuese ndaj Dobroshit, 4 prej të cilave thuhet se janë marr gjatë vitit 2022. “Vendimi i 5-të i Ejupit ndaj Dobroshit, i cili është në ankimim e sipër, është lëshuar më 30 dhjetor 2022 përmes të cilit poashtu për herë të dytë po tenton t’ia heq kredencialet e inspektorit të rregullimit ekonomik Dobroshit, pas tentativës së dështuar vitin e kaluar, duke harruar se këto kredenciale janë fituar me mund e investim publik dhe se z. Dobroshi ushtron vazhdimisht funksionin e inspektorit që 5 vite”, thuhet në njoftim.
Sipasd tyre nga 26 vendime të cilat i ka nxjerrë Ejupi kundër anëtarëve të Sindikatës, 20 janë anuluar nga KPMSHCK-ja, si të jashtëligjshme.
“I dëshpëruar që ndëshkimet sistematike ndaj anëtarëve të SPAAC nuk po i kanë sukses dhe i vendosur që të hakmerret ndaj Kryetarit të SPAAC, Bujar Ejupi kishte tentuar dy herë që ta ulë në pozitë Dobroshin gjatë vitit 2022 duke shpikur një arsye e cila që dy herë po dëshmohet si e kundërligjshme. Me tentativën e dytë për ta degraduar Dobroshin duke përdor të njëjtën arsye, Ejupi shpërfaqë motivin e tij hakmarrës”, thuhet tutje në njoftim.
Sipas tyre ky ndëshkim ka ardhur pas paraqitjes së Dobroshit në Komisionin Parlamentar për Barazi Gjinore në mbështetje të rastit të 5 grave profesioniste të AAC-së para këtij Komisioni.
