Me mbështetjen e Qeverisë së Kosovës po mbahet edicioni i 22-të i panairit “AgroKos” në Pallatin e Rinisë dhe Sporteve në Prishtinë.
Kryeministri i vendit, Albin Kurti, i shoqëruar nga ministri i Bujqësisë, Faton Peci dhe ministrja e Tregtisë Rozata Hajdari, të enjten kanë vizituar këtë panair në ditën e fundit të mbajtjes së tij.
Gjatë kësaj vizite, teksa Kurti po bashkëbisedonte me përfaqësuesit e bizneseve që po merrnin pjesë në panair, mjeshtri i punimeve artistike të drurit, Ferrman Kollari i bëri një befasi kryeministrit duke ia dhuruar portretin e tij dhe presidentes Vjosa Osmani, të gdhendur në drurë, raporton KosovaNews.
I mahnitur nga dhurata që e morri, kryeministri Kurti, i tha mjeshtrit Kollari që portretin e do t’ia dorëzoi presidentes Osmani.
Në këtë panair po marrin pjesë dhjetëra kompani prodhuese vendore.
Përveç ndihmës në gjetje të tregjeve të reja për fermerët, panairi si qëllim ka promovimin e ushqimit të mirë për familjet kosovare.
Ndryshe Panairi AGROKOS është një panair ndërkombëtar i agrobiznesit, ushqimit, pijeve dhe gastronomisë, i cili zhvillohet një herë në vit në kryeqendrën e Kosovës, Prishtinë./KosovaNews/
