Pas vendimit të Ministres në detyrë të Punëve të Jashtme, Donika Gërvalla, për shkarkimin e Konsullit Nderi të Kosovës në Mal të Zi, Shkelqim Devolli, për shkak të mohimit të shtetësisë së Kosovës, ka reaguar edhe Kryeministri në detyrë, Albin Kurti, transmeton KosovaNews.
Në një postim në rrjetin social Facebook, Kryeministri Kurti ka mbështetur vendimin e Ministres Gërvalla, duke theksuar se “Nuk mund ta përfaqësojnë Republikën ata që e mohojnë atë.” Ai ka shtuar me forcë: “Peja është në Kosovë, kurrë në Serbi.”
Reagimi i Kurtit vjen pas njoftimit të Ministres Gërvalla për përfundimin e mandatit të z. Devolli, i cili sipas saj, ka mbajtur titullin e nderit me dokumente që mohojnë Republikën e Kosovës. Gërvalla e ka cilësuar vendimin si të pakthyeshëm dhe si një akt për mbrojtjen e dinjitetit të shtetit të Kosovës.
Kryeministri Kurti ka riafirmuar kështu qëndrimin e qeverisë ndaj çdo përpjekjeje për mohimin e shtetësisë së Kosovës, duke u rreshtuar krah vendimit të Ministres Gërvalla.
Lexo po ashtu:
