Janë bërë 25 vjet që nga masakra e parë në Lubeniq të Pejës, kur serbët patën vrarë nëntë persona.
Lubeniqi i Pejës është fshat afër vijës kufitare me Shqipërinë dhe vazhdimisht ka qenë në fokus të aksioneve të policisë serbe. Në fund të majit të 1998-s, para se të hynin në fshat, serbët e grasatuan, dhe kur hynë i ndanë burrat nga gratë. Ekzekutuan nëntë burra civilë.
Një vit më vonë ndodhi masakra e madhe. U pushkatuan më shumë se 60 burra të këtij fshati, që po kështu u ndanë paraprakisht nga gratë që serbët i kishin depërtuar për në Shqipëri.
Pas masakrës më të madhe të 1 prillit të vitit 1999, një javë më vonë u bë një tjetër masakër.
Në të tri masakrat e Lubeniqit u vranë dhe u masakruan gjithsej 80 persona.
