Komisionerja e Agjencisë për Informim dhe Privatësi, Krenare Sogojeva-Dermaku, ka raportuar në Komisionin për Çështje të Sigurisë dhe Mbrojtjes për raportin vjetor të punës për vitin 2022.
Sogojeva deklaroi se Raporti i vitit 2022, është një dokument i cili pasqyron zhvillimet dhe aktivitetet e Agjencisë për Informim dhe Privatësi, në realizimin e mandatit të saj ligjor për mbikëqyrje të zbatimit të Ligjit për Mbrojtjen e të Dhënave Personale dhe Ligjit për qasje në dokumente publike.
AIP gjatë vitit 2022 ka realizuar në total dyqind e trembëdhjetë (213) inspektime, njëqind e pesë (105) sipas detyrës zyrtare dhe njëqind e tetë (108) sipas ankesave.
Derisa, në gjashtëmujorin e vitit 2021 ka realizuar vetëm tetëmbëdhjetë (18) inspektime sipas ankesës, ndërsa nuk ka bërë inspektime sipas detyrës zyrtare.
Po ashtu gjatë vitit 2022 janë realizuar dyzet e shtatë (47) kontrolle pas inspektimit me qëllim të verifikimit të zbatimit të vendimeve të AIP-së, derisa në gjashtëmujorin e vitit 2021 nuk ka realizuar kontrolle.
AIP gjatë vitit 2022 ka pranuar gjithsej njëqind e dyzet e pesë (145) ankesa, derisa në gjatë mujorin e vitit 2021 ka pranuar vetëm tridhjetë e pesë (35).
Në kuadër të përmbushjes së obligimeve në realizimin e së drejtës së qytetarëve për mbrojtjen e të dhënave personale, AIP ka zhvilluar aktivitete ndërgjegjësuese për të siguruar që kjo e drejtë të mbrohet fillimisht nga vet qytetarët e pastaj nga institucionet publike dhe private, të cilët përpunojnë të dhëna personale.
Ndërsa, për realizimin e së drejtës së qytetarëve për qasje në dokumente publike, AIP ka zhvilluar aktivitete promovuese për të rritur ndërgjegjesimin e qytetarëve për të qenë pjesë e vendimmarrjes institucionale, në njërën anë dhe në anën tjetër, për të ngritur përgjegjësinë institucionale për rritjen e transparencës për punën e tyre dhe ofrimin e llogaridhënies për qytetarët.
Deputeti i VV-së Dimal Basha, ka pyetur komisioneren në lidhje më aplikacioni e TikTok-ut. Sipas tij, shumë shtete janë duke e ndaluar, pasi Kina është duke mbledhur të dhëna shtetërore përmes këtij aplikacioni.
Ai tha se a ka një propozim Agjencia në lidhje më këtë.
“Amerika është duke e trajtuar në Kongres çështjen e TikTok-ut, sepse Kina grumbullon informata nga ky aplikacion. Kina nuk është miqësore me në. Të gjitha të dhënat i transferohen Kinës, a keni ndërmarr diçka dhe si duhet ti adresohemi këtij problemi. Ku mbahen të dhënat e qytetarëve. A keni një propozim. Na mundemi me ndalu dhe mos ta përdorim fare”, tha ai.
Sugojeva, tha se kjo është çështje e sigurisë kombëtare dhe nuk është vetëm përgjegjësi e Agjencisë, por se do të diskutojnë me institucionet e tjera.
“Ky duhet të jetë vendim zyrat i shtetit. Për këto dy vjet operim në vazhdimësi jemi duke bërë fushat me ndërgjegjësu si qytetarët si dhe institucionet. Kjo është çështje e mbrojtje kombëtare. Nuk kemi kontakt me ta, as Facebook nuk është duke kthyer përgjigje. Ta autorizosh dike që të vijë këtu është problem. Të dhënat i mban atje ku e ka domenin. Për TikTok-un nuk është vetëm agjencia, do të ulemi bashkë dhe do të diskutojmë më institucionet e tjera, do t’i propozojmë Kuvendit. Ne nuk e kemi marr formatin, Policia çdo ditë merret më këto çështje”, tha ajo.
Kryesuesi i këtij Komisioni Bekë Berisha, ka pyetur komisioneren në lidhje me dënimin ndaj Partisë Socialdemokrate.
“Kohët e fundit a është e vërtet që e keni dënuar një parti politike, pse e keni dënuar kjo vetëm sa për opinion publik. A ka qenë ankesë a vetë iniciativë e juaja”, pyeti ai.
Krenare Sogojeva-Dermaku, tha se ky Agjencion deri më tani për të njëjtën shkelje ka dënuar pesë institucione publike.
Ajo tha se publikimi i atyre listave nga PSD-ja ka qenë shkelja më e madhe që është bërë në Kosovë dhe se dënimi që i’u është shqiptuar ka qenë dënim minimal.
“Fillimisht Agejncia për të njëjta shkelje i ka dënuar pesë institucione publike. Publikimi i të dhënave private është edhe shkelja me e madhe e publikuar në Kosovë. Prandaj në rastin konkret Agjencia është njoftuar për atë shkelje përmes mediave dhe ka dal në vend ngjarje. Është marrë vesh se ato lista do të hudhen në mbeturina. Ne kemi ndërmarr hapa dhe i kemi siguruara. Policia i ka shkatërruar ato lista. Agjencia k dale gjoba minimale për këtë shkelej është 20 mijë euro. Arsyeja që përveç që janë bërë publike informacione private, kjo parti nuk ka ekzistuar në kohën kur janë bërë këto lista që do të thotë ata nuk kanë pasur të drejt që t’i mbajnë ato lista. Kjo parti është dënuar sipas ligjit në fuqi”.
Deputeti i VV-së, Enver Dugolli, ka pyetur komisioneren se a do të dënojnë PSD-në edhe për shkelje tjetër që i kanë mbajtur ato lista më të dhëna të qytetarëve duke mos pasur të drejt.
“A është proceduar për shkeljen e dytë që nuk ka pasur të drejtë t’i mbaj ato të dhëna sepse ajo parti nuk ka ekzistuar”, tha ajo.
Sogujeva tha se ai dënim i ka përfshirë të dy shkeljet.
“Të dyja parimet kanë qenë në atë gjobë dhe është mbyllur kjo çështje. Ata kanë shkelur ligjin dhe janë dënuar. Nuk do të ketë vendim tjetër prej anës se agjencisë. Partia e ka dërguar vendimin në gjykatë, nuk është hera e para herë që vendimi është dërguar më gjykatë, në së fundi kemi fituar në gjykatë nga najë ankesë”, tha ajo.
Deputeti i PDK-së, Rashit Qalaj, tha se dënimet ndaj shkelësve duhet që të jenë më të mëdha dhe jo minimale.
“Dua për qasjen në dokumente zyrtare, Realish është shumë brengosëse si për nivelin qendror dhe lokal. Duhet që të ketë kampanja më shumë. Besoni që gjendja është me keq se sa është paraqitur në raport. Sa i përket çështjes së gjobave mos shkoni me gjoba minimale, po shkoni ne bazë të ligjit. Sepse nuk është zgjidhje kur të veprohet në kundërshtim me ligjin”, tha ai.
Në Komision u diskutua edhe çështja e publikimit të listave të veteranëve, ku u kërkuar që ata që kanë publikuar ato lista të dënohen.