Përktheu: KosovaNews
Në një raport të ri, UNICEF-i përshëndeti numrin tentativë të martesave të fëmijëve në nivel global, por paralajmëroi se arritja e objektivit të zhvillimit të qëndrueshëm për të çliruar botën tereshit nga ky fenomen deri në vitin 2030, nuk është afër, përcjell KosovaNews.
Autorja kryesore e raportit, Claudia Cappa, deklaroi se martesat e fëmijëve janë në rënie në mbarë botën. Në 10 vitet e fundit, shkalla e martesave të fëmijëve ka rënë nga 23 për qind në 19 për qind. Por kjo sipas saj nuk është e mjaftueshme për ta arritur objektivin për të eliminuar martesat e fëmijëve deri në vitin 2030.
“Nuk është mjaftueshëm shpejt. Më shumë se 12 milionë vajza nën moshën 18 vjeç vazhdojnë të martohen çdo vit. Pra, nëse gjërat nuk ndryshojnë, do të na duhen rreth 300 vite të tjera. për të shfuqizuar plotësisht martesat e fëmijëve”, u shpreh ajo.
Bashkë me këtë, OKB-ja vlerëson se 640 milionë vajza dhe gra në mbarë botën, martohen para moshës 18 vjeç dhe 12 milionë vajza të tjera detyrohen të martohen çdo vit.
Duke folur për arsyet e martesës së hershme Çappa përmendi varfërinë dhe mundësitë e kufizuara për vajzat
“Ndërsa ka shkaqe të ndryshme të martesës së fëmijëve në vende të ndryshme, shpesh ka të përbashkëta të lidhura me varfërinë dhe mundësitë e kufizuara për vajzat. Pabarazia gjinore, stereotipet, ligjet e dobëta dhe frika nga shtatzënia jashtë martese gjithashtu kontribuojnë në këtë situatë.”, u shpreh ajo.
Nga ana tjetër, sipas raportit, kriza klimatike mund t’i lërë familjeve zgjidhje tjetër veçse t’i martojnë fëmijët e tyre.
Lidhur me këtë Çappa deklaroi se krizat shëndetësore, konfliktet dhe fatkeqësitë natyrore rrisin rrezikun për vajzat pasi ato pengojnë arsimimin e tyre dhe shkaktojnë stres financiar mbi familjet.
“Krizat shëndetësore, konfliktet dhe fatkeqësitë natyrore rrisin rrezikun për vajzat pasi ato pengojnë arsimimin e tyre dhe ngarkojnë stres financiar mbi familjet. Disa familje në vështirësi ekonomike, e shohin martesën si një mënyrë për të mbrojtur vajzat e tyre financiarisht, socialisht dhe fizikisht. Ndërsa edhe pse ne nuk mund të parashikojmë gjithmonë, praktikat e kaluara mund të na ndihmojnë për të kuptuar se si ndikon martesa e hershme tek vajzat.”, transmeton KosovaNews.
Raporti tregoi gjithashtu se normat e martesave të fëmijëve kanë rënë në përgjithësi në Azinë Jugore, e cila brenda saj mbanë 45 përqind të nuseve të mitura në botë.
Në veçanti, është bërë përparim në reduktimin e martesave të fëmijëve në Indi. Megjithatë, një në tre gra në Afrikën Sub-Sahariane jan֝ë martuar para moshës 18-vjeçare. Normat e martesave të fëmijëve janë më të lartat në Afrikën Perëndimore dhe Qendrore, të cilat kanë renditen në vendin e shtatë nga 10 vendet me prevalencën më të lartë globalisht./KosovaNews/
