Një urdhër arresti në mungesë është lëshuar për politikanin danez të ekstremit të djathtë Rasmus Paludan, i cili muaj më parë u bë autori provokimeve duke e djegur Kuranin para ambasadës turke në Suedi, transmeton KosovaNews.
Sipas gazetës më të madhe në vend, Aftonbladet, ndaj Paludan është ngritur aktakuzë për fyerje të Kuranit, krim urrejtjeje ndaj individëve dhe institucione të ndryshme.
Bëhet e ditur se Prokuroria e Malmos ka lëshuar urdhër arrest në mungesë pasi që Paludan nuk iu është përgjigjur ftesës së prokurorisë për deklarim.
Në një përgjigje të dhënë për gazetën, ekstremisti i djathtë Rasmus Paludan, deklaroi se nuk iu është përgjigjur ftesës së prokurorisë për shkak se sipas tij nuk i beson policisë suedeze prandaj dhe siç ka thënë ai ka kërkuar në merret ne pyetje përmes lidhjes direkte.
“Policia suedeze në përgjithësi dhe policia e Malmos në veçanti nuk duan të më mbrojnë, kështu që është e rrezikshme për mua të vij në Suedi dhe nuk dua të vij në Suedi, dua të dëshmoni në video”, është shprehur ai.
Ndërkaq, i pyetur lidhur me rastin, prokurori Adrian Combier Hogg, i cili lëshoi urdhër arrestin ndaj Paludan, i tha gazetës Aftonbladet se nuk dëshiron deklarohet në lidhje me këtë temë.
Kujtojmë se Dhoma e Avokatëve të Stambollit, kishte paraqitur një kallëzim penal në policinë e Stokholmit më 14 prill kundër Paludan, i cili dogji Kuranin më 21 janar përpara ambasadës turke në Stokholm./KosovaNews/
