Komisioni për Arsim, Shkencë, Teknologji, Inovacion, Kulturё, Rini dhe Sport shqyrtoi Projektligjin për Rininë, Sport etj, në prezencën e zëvendësministres së Kulturës, Rinisë dhe Sportit, Daulina Osmani.
Gjatë kësaj mbledhje me 6 vota për, u miratuan amandamentet ligjore për të cilat anëtarja e këtij komisioni, Arjeta Fejza tha se i kanë bërë 7 dëgjime publike rajonale dhe takim tërë ditor i shqyrtimit të komenteve për këto amandamente.
Ndërkaq Zv. ministrja e MKRS-së, Daulina Osmani e falënderoi kryesuesen e grupit për iniciativën e këtij procesi.
“Faleminderit dhe uroj ta votojmë sa më shpejtë që është e mundur sepse është shumë e nevojshme të ri- fillojë zbatimi i tij”, ka thënë Osmani.
Me 5 vota kundër, 1 abstenim amandamentet e propozuara të deputetit Bekim Haxhiut nuk kaluan në projektligjet e mbledhjes ku u diskutua për sport.
Ndërkaq me 6 vota për amandamentet u miratuan që të vazhdojnë tutje.
Në rend dite ishin
1. Miratimi i procesverbalit te mbledhjes së mbajtur me 14.05.2024;
2. Shqyrtimi i Projektligjit nr. 08/L-264 per Rinine
3. Shqyrtimi i Projektligjit Projektligjit nr.08/L-277 për Sport.
4. Shqyrtimi i raportit me rekomandime për mbikëqyrjen e zbatimit të Ligjit nr. 05/L-90 për Sponzorizime në fushën e Kulturës, Rinisë dhe Sportit i ndryshuar dhe plotësuar me Ligjin nr. 06/L-116, e cila u la për një mbledhje tjetër.
