Zëvendësministri i Punëve të Jashtme dhe Diasporës, Kreshnik Ahmeti, po qëndron në vizitë zyrtare në Banglladesh.
Ahmeti e filloi aktivitetet në Dhaka me vizitë në Muzeun Memorial të Bangabandhu Sheikh Mujibur Rahman.
Me këtë rast, ai bëri homazhe dhe shprehu respektin e tij në librin e kujtimeve për themeluesin e shtetit të Banglladeshit.
Përgjatë kësaj vizite, Ahmeti do të drejtojë konsultimet politike mes ministrive të jashtme dhe do të takohet me dikastere të ndryshme qeveritare dhe oda ekonomike.
