Zëvendësministri i Punëve të Jashtme dhe Diasporës, Kreshnik Ahmeti mori pjesë të premten në Ministerialin e SEECP në Selanik të Greqisë.
Në këtë rast, Ahmeti tha se ka falënderuar Greqinë për presidencën e tyre të suksesshme përgjatë një viti shumë të vështirë për rajonin dhe i shpreha presidencës së ardhshme, Malit të Zi, ndërsa ka shprehur zotimin e Kosovës për bashkëpunim të ngushtë.
“Përgjatë diskutimeve theksova që për rajonin është jashtëzakonisht e rëndësishme që të gjitha vendet të rreshtohen me politikën e jashtme të BE-së dhe ShBA-së në raport me Federatën Ruse:, ka shkruar ai.
Ahemeti tha se integrimi euro-atlantik i rajonit është i një rëndësie të jashtëzakonshme, veçanërisht pas agresionit rus në Ukrainë, dhe kjo nënkupton edhe domosdoshmërinë që BE të ndërmarrë hapa të shpejtë për integrimin e rajonit dhe largimin e regjimit të vizave për qytetarët e Kosovës.
Krejt në fund në kuadër të punimeve në Ministerialin e SEECP në Selanik ministrat e zëvendësministrat e pranishëm, miratuam raportin vjetor të RCC, Strategjinë dhe Planin e Punës 2023-2025 të SEECP dhe Deklaratën e Përbashkët Politike./Kosovanews/
