Është zbuluar sot shtatorja e ish-luftëtares së Ushtrisë Çlirimtare të Kosovës, Fetnete Ramosaj. Kryetari i Aleancës për Ardhmërinë e Kosovës Ramush Haradinaj bashkë me kryetarin e Deçanit, Bashkim Ramosaj dhe shumë bashkëluftëtarë të tyre kanë marrë pjesë në zbulimin e shtatores.
Haradinaj përmes një postimi në rrjetin social ‘Facebook’ ka nderur veprën dhe angazhimin e Fetnete Ramosajt ndaj atdheut.
“Bashkëluftëtarja Fetnete Ramosaj, përmes veprave të saj siguroi që koha mos ta ndalë kujtesën për luftën tonë të lavdishme. Ajo bëri luftë të dyfishtë, në front dhe si kroniste, duke dëshmuar të vërtetën e luftës së UÇK-së, dhe duke e përjetësuar luftën çlirimtare dhe mbajtjen gjallë idealin e lirisë ndër breza. Përjetë falënderues dhe mirënjohës ndaj Heroinës, Fetnete Ramosaj,” ka shkruar Haradinaj në ‘Facebook’.
