Nikolai Patrushev, kreu i Këshillit të Sigurisë së Rusisë është personi që ka drejtuar operacionin e eliminimit të Jevgeni Prigozhin.
Lajmi bëhet i ditur nga media amerikane, Wall Street Journal.
Në një shkrim invesigtativ, media sjellë të dhëna që faktojnë se eliminimi i kreut të mercenarëve Wagner u krye për shmangur rrezikun që ai sillte ndaj presidentit Vladimir Putin.
Agjentët rusë kanë vendosur një eksplozivë me telekomandë në avionin me të cilin udhëtonte kreu i Wanger dhe u shpërthimi i komanduar në distancë.
Zyrtarisht qeveria ruse nuk ka marrë përsipër eliminimin e Prigozhin dhe hetimet për vdekjen e tij nuk janë mbyllur.
Por njeriu që ka urdhëruar vrasjen njihet si personi më i afërt i Vldaimir Putin dhe një prej njerëzve që ka qenë në krah të tij në shërbimet sekrete.
Nikolai Patrushev ka mbajtur detyrat më të rëndësishme në shërbimet sekrete ruse dhe ka drejtuar pjesën më të madhe të operacioneve të kundërshtarëve të Putin.
Prigozhin u eliminua pas rebelimit që nisi me mercenarët për të rrëzuar qeverinë ruse, pasi sipas tij Ministria e Mbrojtjes Ruse nuk po bënte sa duhej për luftën në Ukrainë.
Atij ju premtua marrëveshje për të ndalur mercenarët të hyjnë në Moskë dhe u ekzekuta disa javë pas ndërprerjes së kryengritjes.
