Ministria e Infrastrukturës ka njoftuar se po vazhdojnë punimet për rehabilitimin e skarpateve në Autoudhën “Ibrahim Rugova”, me synim rritjen e sigurisë në komunikacion dhe mbrojtjen e infrastrukturës rrugore.
Sipas ministrisë, punimet janë duke u zhvilluar sipas planit dhe janë pjesë e angazhimeve për mirëmbajtjen dhe sigurinë e autoudhës.
“Punimet për rehabilitimin e skarpateve në Autoudhën ‘Ibrahim Rugova’ po vazhdojnë sipas planit, me qëllim të rritjes së sigurisë në komunikacion dhe mbrojtjes së infrastrukturës rrugore”, thuhet në njoftimin e Ministrisë së Infrastrukturës.
