Policia e Kosovës ka njoftuar se janë arrestuar dy persona për vrasjen e rëndë të Liridona Murselit të mërkurën e 29 nëntorit në rrugën “Dalip Alshiqi” në Prishtinë.
E ndjera është gruaja e Naim Murselit, ish- këshilltar i ish-presidentit të Kosovës, Behgjet Pacollit, ku fillimisht u dyshua se çifti së bashku me fëmijët që gjendeshin në veturë, u përballën me disa grabitës, të cilët ua morën gjësendet me vlerë dhe pastaj shtien me armë, duke lënë të vdekur 33-vjeçaren në fjalë.
Policia e Kosovës ka zbardhur detaje të reja nga skena e krimit, kështu duke arrestuar Murselin si dhe të dyshuarin tjetër që është Granit Plava, bashkëfshatar i Naim Murselit e që mësohet se i njëjti është paguar nga ky i fundit, tashmë i arrestuar.
