Presidenti i Serbisë, Aleksandar Vuçiq,ka vazhduar me ankesat e tij lidhur me procesin që po organizon bashkësia ndërkombëtare për normalizim të raporteve Kosovë-Serbi.
A në një intervistë për “TV Pink”, ka thënë se Evropa po ia kërkon në heshtje Serbisë ta njohë Kosovën.
Vuçiq ka thënë se një pjesë në Serbi mendon se është më mirë “dorëzimi i Kosovës, pasi do të jetojmë më mirë”.
“Cilat janë qëllimet kombëtare për ne? Përveç asaj që e dimë se nuk do ta njohim Kosovën e pavarur. Ne kurrë nuk do të pajtohemi për Kosovën. Nuk mund të gënjejmë veten se jemi dakord për atë çështje, sigurisht se nuk jemi. Sigurisht se një pjesë mendon ‘dorëzo Kosovën, do të jetojmë më mirë’, vetëm se ata nuk do ta thonë këtë, e të tjerët thonë ‘mbroje Kosovën’. Është një pengesë brenda vendit, për të mos folur për presionet e jashtme. Nuk të pyesin nëse i ke shmangur sanksionet. Cila është çështja për të cilën mund të biem dakord? A është çështja e anëtarësimit në BE? Atëherë dikush do të na pyesë ‘Evropa po na kërkon ta njohim Kosovën e pavarur’, po, po kërkon, në thelb fuqia më e madhe e Unionit po e kërkon këtë”, ka thënë Vuçiq.
