Presidenti i Serbisë, Aleksandar Vuçiq, para gazetarëve në Bullgari, ka folur për planin franko-gjerman dhe seancën e Kuvendit ku do të flasë pikërisht për këtë temë.
Ai tha se në seancën e planifikuar për nesër në Kuvendin serb nuk do t’i arsyetohet askujt, duke pretenduar se gjithçka e bëri “me ndershmëri”
“Nëse është faji i dikujt që hartoi planin franko-gjerman, kjo është për shkak të luftës në Ukrainë, sepse ai dëshiron ta përfundojë punën këtu”.
Vuçiq tha se “nuk ka afate në planin franko-gjerman, edhe pse të gjithë do të donin të ishin nesër”.
“Do të ishte mirë që në Kuvendin e Serbisë të arrihet një unitet më i madh në seancën kushtuar Kosovës, por unë nuk besoj në këtë sepse shumë njerëz mendojnë se kur Serbia është në telashe, është një mundësi që disa të rrëmbejnë pikë politike”.
Presidenti serb edhe në Bullgari e bëri ankesën e zakonshme, shkruan Danas.
“Jemi në një kohë që është më e vështira për Evropën që nga Lufta e Dytë Botërore dhe për ne që nga vitet nëntëdhjetë, kur nuk e dini se çfarë do të ndodhë nesër dhe nëse lufta do të përhapet në pjesë të tjera të botës”.
“Unë them të vërtetën, nuk po mashtroj askënd dhe nuk kam asgjë për të kërkuar falje. Nuk është asgjë e mirë, por asgjë më e keqe, edhe pse është për t’u pritur që do të jetë më keq sepse kanë kaluar 15 vjet që kur Perëndimi, që dominon botën, shpalli pavarësinë e Kosovës”, tha Vuçiq.
