Një person ka mbetur i vdekur si pasojë e të shtënave me armë zjarri në Klinë.
Lajmin e ka konfirmuar Shkodran Nikçi, zëdhënës i Prokurorisë Themelore të Pejës.
“Dy prokurorë të Krimeve të Rënda janë duke dalë në vend të ngjarjes”, tha Nikçi, duke shtuar se nuk ka më shumë detaje.
Në anën tjetër, zëdhënësi i Policisë për rajonin e Pejës, Fadil Gashi, konfirmoi se përveç viktimës është plagosur edhe një person, ndërsa i dyshuari është arrestuar.
“Rreth orës 17:17 policia është njoftuar për të shtëna me armë zjarri në sheshin “Mujë Krasniqi” në një lokal sipas informatave të para një person është pa shenja jete vdekjen e ka konstatuar mjeku kujdestar, ndërsa një person tjetër është dërguar në emergjencë. Një i dyshuar lidhur me rastin është arrestuar”, ka thënë Gashi.
