Policia e Kosovës përmes raportit 24 orësh të Policisë, ka dhënë detaje lidhur me vrasjen në tentativë në Graçanicë, ku janë arrestuar dhe dërguar në mbajtje Armir Osmani (djali i Ismet Osmanit-Currit) dhe Mentor Beqiri.
Sipas Policisë, nga një veturë e cila ishte në lëvizje dhe shpejtësi të madhe, është shtënë me armë zjarri në drejtim të një veture tjetër në lëvizje.
Policia njofton se njëri i dyshuar në vendngjarje e ka dorëzuar pistoletën që e kishte me leje, ndërsa janë gjetur pesë gëzhoja nga arma e zjarrit.
“Graçanicë, 16.04.2024-14:50. Është raportuar se nga një veturë e dyshuar, e cila ishte në lëvizje me shpejtësi të madhe, nga persona të dyshuar është duke u shtënë me armë zjarri në drejtim të një veture tjetër në lëvizje, dhe pastaj të njëjtat vetura janë aksidentuar në mes veti. Njësiti policor ka dalë në vendin e ngjarjes ku e ka takuar të dyshuarin mashkull kosovar në afërsi të veturës së tij, i cili vullnetarisht e ka dorëzuar një pistoletë me leje. Njësitet policore të forenzikës në vendin e ngjarjes kanë gjetur dhe konfiskuar 5 gëzhoja nga arma e zjarrit. Lidhur me rastin janë arrestuar dy të dyshuar meshkuj kosovarë dhe pas intervistimit me vendim të prokurorit janë dërguar në mbajtje”, thuhet në njoftim.
Rasti është iniciuar si “Vrasje në tentativë”.
Ndryshe, të arrestuarit janë Amir Osmani (djali i Ismet Osmanit-Currit), i akuzar për fajde dhe detyrim si dhe Mentor Beqiri, të cilët janë ndaluar me urdhër të prokurorit të shtetit.
Sipas burimeve brenda Prokurorisë, të përfshirë në këtë incident janë edhe Curri dhe persona të tjerë, të cilët ende janë në arrati