Ministri i Punëve të Brendshme të Kosovës, Xhelal Sveçla ka thënë se shteti i Kosovës sot bëri edhe një hap pozitiv më afër liberalizimit të vizave.
Ai bëri këtë deklaratë pasi Këshilli i Ministrave të Bashkimit Evropian ka miratuar me shumicë votash liberalizimin e vizave për Kosovën.
“Jam i kënaqur që Këshilli i Ministrave të Bashkimit Evropian ka miratuar me shumicë votash liberalizimin e vizave për Kosovën. Falënderoj të gjithë Ministrat për votën pozitive dhe besoj që ky proces do të përmbyllet së shpejti.
Ne do të vazhdojmë të punojmë drejt integrimit evropian në bashkëpunim të ngushtë me partnerët tanë”, shkroi Sveçla.
