Kryetarja e Komisionit Evropian, Ursula von der Leyen, arriti sot në Kiev për vizitën e saj të gjashtë në Ukrainë që nga fillimi i luftës me Rusinë, në një kohë kur vëmendja e publikut botëror po kthehet gjithnjë e më shumë në Lindjen e Mesme.
“Unë po vij me bindjen e fortë se sjell inkurajim dhe për të riafirmuar se ne qëndrojmë fort në anën ukrainasve”, tha ajo.
Gjatë qëndrimit në Kiev, Von der Leyen do të takohet me presidentin ukrainas, Volodymyr Zelensky, kryeministrin Denis Shmyhal dhe do t’u drejtohet përfaqësuesve të Parlamentit të Ukrainës.
Presidentja e Komisionit tha se ata do të diskutojnë çështjet e zgjerimit të Bashkimit Evropian, ndihmën financiare dhe ushtarake për Ukrainën dhe përgatitjet për paketën e 12-të të sanksioneve kundër Rusisë.
Vizita e saj vjen pak ditë para publikimit të raportit për progresin e vendeve kandidate për anëtarësim në BE, të cilin Komisioni do ta publikojë të mërkurën.
Pritet që Komisioni t’u rekomandojë krerëve të shteteve ose qeverive të BE-së hapjen e negociatave të anëtarësimit me Ukrainën.
The head of the European Commission, Ursula von der Leyen, has arrived in Kyiv and has already met with Zelensky.
— Dr. Khaled Alfaiomi (@Alfaiomi) November 4, 2023
She stated that she came to discuss the path of Ukraine's accession to the EU 💪 pic.twitter.com/aWKfO58T6h
