Kompania Viva Fresh Store ka njoftuar konsumatorët për një valë të fundit keqpërdorimesh të emrit të saj nga faqe dhe persona të paautorizuar, të cilët po shpërndajnë informacione të rreme për lojëra shpërblyese.
Në një njoftim për media, kompania thekson se të gjitha lojërat shpërblyese dhe njoftimet zyrtare publikohen vetëm në faqen e saj zyrtare në Facebook: Viva Fresh Store.
Kompania apelon tek konsumatorët që të jenë të kujdesshëm dhe të mos ndajnë asnjëherë të dhëna personale apo informacione bankare me faqe ose profile të dyshimta.
“Faleminderit për mirëkuptimin dhe bashkëpunimin tuaj të vazhdueshëm”, thuhet në njoftimin e Viva Fresh Store, duke rikujtuar se siguria e klientëve është prioriteti kryesor i kompanisë.
