Samiti i BE-së me Ballkanin Perëndimor ishte dështim i madh. Kështu deklaroi raportuesja për Kosovën në Parlamentin Evropian, Viola von Cramon.
“E nga kjo situatë sipas saj është e lumtur vetëm Rusia dhe Vladimir Putini”, deklaroi von Cramon në një deklarim bë Twitter.
Von Cramon ka thënë se mosmarrja e asnjë vendimi pozitiv për vendet e Ballkanit, është sinjal katastrofik.
“Ky samit BE-Ballkan Perëndimor ka qenë dështim i madh. Dërgon sinjal katastrofik. Është vetëm një njeri i lumtur nga kjo situatë dhe ai ulet në Kremlin”, shkroi eurodeputetja von Cramon.
Ajo shkroi se e pranon se është tmerrësisht e zhgënjyer, edhe kur Komisioni Evropian po e quante veten komision gjeopolitik. “Kjo është shaka”, ka shkruar Von Cramon.
“U thanë të udhëtojnë në Bruksel, të gjashtë vendeve, dhe nuk iu dhanë asgjë, për asgjë”, deklaroi von Cramon.
“Bosnja nuk e mori statusin e kandidatit, edhe më keq Shqipëria e Maqedonia e Veriut nuk nisën negociatat e pranimit dhe Kosova nuk mori liberalizimin e vizave”.
Një ditë më parë u mbajt Samiti i Bashkimit Evropian me liderët e vendeve të Ballkanit Perëndimor.
Kosova vazhdon të mos e gëzojë të drejtën e lëvizjes së lirë ndonëse Komisioni Evropian dy herë ka theksuar se vendi i ka plotësuar kushtet./rtk/