Policia e Kosovës ka njoftuar për tri raste të ndryshme të vjedhjes së veturave në Gjakovë që kanë ndodhur të mërkurën.
Sipas raportit të Policisë të tri veturat brenda ditës janë gjetur të braktisura.
Njëri rast ka ndodhur në fshatin Cërmjan.
“Fsh. Cërmjan, Gjakovë 07.02.2024-07:20. Ankuesi mashkull kosovar, ka njoftuar se persona të panjohur ia kishin vjedhur veturën të cilën e kishte parkuar në një parking. Rreth orës 23:50 vetura është gjetur e braktisur”, thuhet ën raportin e Policisë.
Rasti tjetër ka ndodhur në rrugën “Londra”.
“Rr. Londra, Gjakovë 07.02.2024-16:45. Ankuesi mashkull kosovar ka raportuar se persona të panjohur ia kishin vjedhur veturën të cilën e kishte parkuar para shtëpisë së tij. Rreth orës 22:29 vetura është gjetur e braktisur”, thuhet në raportin e Policisë.
Kurse rasti tjetër ka ndodhur në një parking në rrugën “Wesley Clark”.
“Rr.Wesley Clartk, Gjakovë 07.02.2024- 21:50. Ankuesi mashkull kosovar, ka njoftuar se persona të panjohur ia kishin vjedhur veturën të cilën e kishte parkuar në një parking. Rreth orës 23:15 vetura është gjetur e braktisur”, thuhet në raportin e Policisë.
