Kosova gjatë kësaj jave është duke u përballur me mot jo stabil. Si rezultat i kësaj Instituti Hidrometeorologjik i Kosovës (IHMK) ka njoftuar se sot pritet të ketë stuhi shiu dhe breshër.
E me një situatë të tillë tashmë kanë filluar të përballen disa komuna.
Reshjet e shiut në orët e paradites në qytetin e Istogut kanë bërë që disa rrugë të vërshohen nga uji, gjersa nuk ka munguar as breshëri.
Instituti Hidrometeorologjik i Kosovës ka apeluar te qytetarët që të kenë kujdes gjatë këtyre ditëve që po përballemi me mot ekstrem.
Moti i ligë ka përfshirë disa komuna në vendin tonë
Kujtojmë se të hënën në Prishtinë si pasojë e erërave të fuqishme është rrëzuar një lis, i cili ka lënë të vdekur një 30 vjeçar, derisa e lënduar ka mbetur edhe një 35 vjeçare.
