Tri ditë pas deklaratës zyrtare të vdekjes së Alexei Navalny në burgun e Arktikut, familja e tij nuk është në gjendje të marrë trupin e tij, madje as ta shohë atë.
Nëna e Alexeit, u informua se trupi i djalit të saj ishte transportuar në një morg në qytetin e Salekhard, një strukturë që tani mohon të ketë trupin e tij.
Media ruse Mediazona kreu një analizë të pamjeve me kamera të drejtpërdrejta të kapura në rrugën e akullit që lidh qytetin Labytnangi, me Salekhard, e vetmja rrugë tokësore për në qendrën rajonale. U vu re një autokolonë misterioze prej katër automjetesh, duke përfshirë ato të FSIN-it, që kalonin hapësirën e ngrirë të lumit Ob drejt Salekhardit.
“Kjo kohë na bën të besojmë se trupi i Navalny po transportohej në Salekhard në këtë kolonë”, shkruan media ruse.
Çfarë ndodhi me trupin e Navalny pas vdekjes së tij?
Dokumenti i dorëzuar nënës së Alexei Navalny nga stafi i burgut tregonte se ai vdiq më 16 shkurt në orën 14:17. Një i burgosur nga burgu IK-3 tha për një media ruse se stafi i burgut ishte në dijeni të vdekjes katër orë më parë. Vdekja u njoftua zyrtarisht në orën 16:11 me orën lokale. Shërbimi lokal i ambulancës raportoi se mjekët arritën në burg në shtatë minuta dhe tentuan ringjalljen për më shumë se gjysmë ore. Një punonjës pa emër i stacionit të ambulancës Salekhard tha më pas për median ruse se trupi u dërgua në një spital në Labytnangi, një qytet gjysmë ore me makinë nga fshati Kharp. Vetëm në mbrëmjen e 16 shkurtit, sipas këtij burimi, Navalny u soll në morgun në Spitalin Klinik të Qarkut Salekhard.
Three days after the announcement of Alexei Navalny’s death in the Arctic prison, his family still can’t claim or even see his body.
— Mediazona English (@mediazona_en) February 18, 2024
We discovered live cam footage of a midnight convoy possibly transporting Navalny’s body over the ice river crossinghttps://t.co/XqjCEKyP56 pic.twitter.com/fM9FClFgXK
