Sejnur Veshall nga Prizreni, që i përket komunitetit rom, ka reaguar pas seancës së Kuvendit të Kosovës, ku u propozuara kabineti i ri qeveritar i
nga kryeministri në detyrë, Albin Kurti, i cili nuk mori votat e mjaftueshme për t’u miratuar.
Veshall u propozua për postin e Ministrit të Zhvillimit Rajonal, duke u bërë kështu romi i parë në historinë e Kosovës që propozohet për një pozitë ministrore.
Në një përgjigje të shkurtër për KosovaNews, Veshall deklaroi se përzgjedhja e tij si ministër, ka qenë e ditur që nga muaji Prill.
“Kjo ka qenë e ditur që nga muaji prill. Kryeministri Kurti e ka pasë në plan një gjë të tillë dhe sot më propozoj por ja që nuk u votua, tash shohim në të ardhmen” tha Veshall për KosovaNews.
Përveç kësaj, në një reagim në rrjetet sociale, ai e cilësoi këtë si një moment historik për gjithë shoqërinë kosovare:
“Për herë të parë në historinë e Kosovës, një rom u propozua për vendimmarrje, një moment historik, jo vetëm për komunitetin rom, por për gjithë shoqërinë tonë që beson në barazi dhe mundësi të drejta për secilin. Ky është një hap që tregon se barrierat mund të thyhen kur bashkohemi dhe besojmë në të njëjtin ideal.”
Veshall falënderoi kryeministrin në detyrë Albin Kurti dhe kryetarin Kinolli për besimin e dhënë, duke theksuar se ky propozim është një hap drejt përfaqësimit të barabartë:
“Pas fitores së prillit, Kryeministri Albin Kurti dhe Kryetari Kinolli më dhanë mundësinë që të jem pjesë e Qeverisë së Kosovës, një përgjegjësi dhe nder i madh. Me mirënjohje të thellë për besimin e dhënë, ky moment shënon fillimin e një rruge të re, ku zëri i secilit qytetar, pa dallim, mund të dëgjohet dhe do të dëgjohet.”
Në fund të reagimit, Veshall u shpreh mirënjohës ndaj atyre që e kanë mbështetur:
“Ju faleminderit që ishit me mua në këtë rrugëtim, që më mbështetët dhe besuat në mua.”
Reagimi i Plotë:
Sot rruga është e hapur për të gjithë
Për herë të parë në historinë e Kosovës, një rom u propozua për vendimmarrje, një moment historik, jo vetëm për komunitetin rom, por për gjithë shoqërinë tonë që beson në barazi dhe mundësi të drejta për secilin. Ky është një hap që tregon se barrierat mund të thyhen kur bashkohemi dhe besojmë në të njëjtin ideal.
Pas fitores së prillit, Kryeministri Albin Kurti dhe Kryetari Kinolli më dhanë mundësinë që të jem pjesë e Qeverisë së Kosovës, një përgjegjësi dhe nder i madh. Me mirënjohje të thellë për besimin e dhënë, ky moment shënon fillimin e një rruge të re, ku zëri i secilit qytetar, pa dallim, mund të dëgjohet dhe do të dëgjohet.
Ju faleminderit që ishit me mua në këtë rrugëtim, që më mbështetët dhe besuat në mua.
I juaji,
Sejnuri ❤️
