Ambasadori i Kosovës në Kroaci, Martin Berishaj, e ka vizituar vendin ku para një viti humbën jetën 10 persona si pasojë e një aksidenti tragjik në Sllavonski Brod.
Në aksident ishin lënduar 45 persona, 30 nga ta u lënduan më lehtë ndërkaq 15 ishin lënduar goxha rëndë.
Berishaj në vendin e ngjarjes ka vendosur kurora me lule.
Ai përmendi edhe angazhimin e autoriteteve kroate që iu dolën në ndihmë të aksidentuarve.
“Delegacionin nga Ambasada në Zagreb e priti Kryeshefi i Administratës policore Brodsko- Posavska, z. Antun Valiq me bashkëpunëtorë, si dhe z Marko Shimiq, zëvendës Perfekt. Ambasadori Dr. Berishaj, në fjalën e vet, posaçërisht u ndal në përkushtimin e pashoq të Kryeministrit të Qeverisë së Kroacisë z. Andreja Plenkoviq dhe ministrave, institucioneve shtetërore; policisë, mjekëve në spitalin “dr. Josip Bançeviq”, zjarrëfikësve si dhe gjithë qytetarëve të Prefekturës së Sllavonski Brodit të cilët treguan solidaritet ndaj familjeve që pësuan këtë tragjedi”, thuhet në njoftim.
Me këtë rast, sipas njoftimit ambasadori Berishaj me bashkëpunëtorë u ndau mirënjohje kryeshefit të Administratës policore Brodsko- Posavska, Antun Valiq, si dhe perfektit të Perfekturës Brodsko Posavska, Danijel Marushiq, dr.med.vet.
https://www.facebook.com/permalink.php?story_fbid=pfbid02vQcyA7ov6xeMUsLHdEkv5gSkxAGmpPDeav6iK2RuCHnjtnedSrxfs9WpC6n3duZZl&id=100076320857658
