Ka vdekur një adoleshente iraniane e cila ra në koma pasi dyshohet se u sulmua nga policia e moralit në fillim të këtij muaji, kanë raportuar aktivistët dhe media shtetërore.
16-vjeçarja Armita Geravand ra përtokë pasi hipi në një tren në Teheran më 1 tetor.
Aktivistët kanë akuzuar policinë e moralit se e kishte sulmuar vajzën se nuk kishte shami në kokë, por autoritetet kanë insistuar se ajo është alivanosur.
Ajo vdiq mëngjesin e shtunës pasi pësoi dëmtim të trurit.
Agjencia e lajmeve “Borna” ka thënë se Armita vdiq pasi mori trajtim mjekësor intensiv për 28 ditë.
Por, grupi aktivist “Hengaë” ka thënë se Armita “ishte viktima e fundit e hixhabit të detyrueshëm dhe ka vdekur pas 28 ditë spitalizimi”.
