Policia e Kosovës ka njoftuar se ka humbur jetën njё person si pasojë e lëndimeve të marra në një aksident trafiku.
Sipas njoftimit të policisë me datën 4 shtator 2022, rreth orës 15:45, policia është informuar për një aksident trafiku (vetaksident) i cili ka ndodhur në bjeshkët e Strellcit.
“Në këtë vetaksident ishte i përfshirë njё automjet VË me targa vendore. Deri te aksidenti ka ardhur derisa drejtuesi i automjetit ishte duke qarkulluar nga bjeshkёt e Strellcit nё drejtim tё fshatit Strellc-Deçan, ku me tё arritur në kilometrin e pestё (5), duke mos iu përshtatur kushteve tё rrugës e humb kontrollin dhe del jashtë rrugës duke u përplasur me njё shkëmb”, thuhet në njoftim.
Si pasojё e aksidentit lëndime trupore kanё pёsuar i dyshuari dhe dy persona tё tjerё, tё cilët janë dërguar në spitalin rajonal në Pejё.
Nga ekipi mjekësor ёshtё konstatuar vdekja e njёrit nga tё lënduarit tё automjetit, ndёrsa dy tё lënduarit e tjerё janё duke u trajtuar në spitalin rajonal në Pejё.
Me urdhër të prokurorit të shtetit trupi i pajetë i viktimës është dërguar në Institutin e Mjekësisë Ligjore në Prishtinë, për obduksion, ndërsa i dyshuari dërgohet në mbajtje për 28 orë./KosovaNews/
