Punëtorët në Kosovë po vazhdojnë të pësojnë, duke humbur edhe jetën. Rasti i fundit është raportuar sot sre ka vdekur punëtori që ishte lënduar në Pejë.
Policia e Kosovës njofton se ka ndërruar jetë në Qendrën Klinike Universitare të Kosovës (QKUK) personi që ishte lënduar në vendin e punës në Pejë.
Në raportin 24 orësh të Policisë, thuhet se rasti kishte ndodhur më 19 qershor.
Policia njofton se viktima ishte dërguar për trajtim në QKUK, ndërsa të martën ai ka vdekur.
Bëhet e ditur se me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
Një rast i vdekjes ndodhi me 20 qershor në Ferizaj, kur një punëtor ra nga lartësia ku punonte. Kurse më 22 qershor u raportua se një tjetër ka rënë nga platoja e një objekti në Gjilan dhe në gjendje të rendë është dërguar për trajtim në QKUK.
