Është ndarë nga jeta veprimtari, aktivisti, intelektuali e profesorit, Qerim Rexhaj.
Për vdekjen e tij ka njoftuar Qendra e Lëvizjes Vetëvendosje në Istog, pesë të të cilës ishte edhe profesor Rexhaj.
“Me pikëllim të thellë morëm lajmin e hidhur për ndarjen nga jeta të veprimtarit, aktivistit, intelektualit e profesorit Qerim Rexhaj.
Mësues i hershëm, idealist i madh e veprimtar i pashoq politik, profesori Qerim Rexhaj dha shembullin më të mirë të njeriut që beson në ideale, që beson në dituri e arsim, që beson në liri e nuk ndalet asnjëherë deri në arritjen e qëllimit. I tillë ishte profesori Qerim Rexhaj, të tilla i kishte edhe mësimet, të tillë e kishte jetën, të mbushur me veprimtari, angazhim e aktivizëm deri në ditën e fundit të saj”, thuhet në njoftimin e VV-së.
Ky subjket politik u ka shprehur ngushëllimet më të sinqerta familjes Rexhaj, miqve, shokëve, aktivistëve e bashkëpuntorëve të ngushtë të tij!
Së fundmi, profesori Qerim Rexhaj, ishte pjesë e Kuvendit Komunal të Istogut nga radhët e Lëvizjes Vetëvendosje.
