Njësitet Antikontrabandës të Doganës së Kosovës në kuadër të planit operativ kanë arritur që të identifikojnë edhe rastin e pestë (5), respektivisht edhe një automjet që trasportonte mallra të kontrabanduara.
Në kuadër të planit operativ është zbuluar edhe një rast tjetër i kontabandimit të 615 litra vaj ushqimor me origjinë nga Serbia.
Automjetet dhe mallrat janë sekuestruar derisa ka filluar procedura kundërvajtëse.
Njësitet antikontrabandë të Doganës së Kosovës në kuadër të planit operativ edhe sot paradite kanë parandaluar katër (4) raste të tentim kontrabandës në regjionin e Mitrovicës.
Njësit e doganës kanë identifikuar automjetet e dyshimta të cilat edhe janë ndaluar në orët e mëngjesit.
Automjete transportuese bartnin mallra të kontrabanduara nga Serbia.
• Në automjetin e parë janë gjetur 1200 litra pije joalkoolike, 105 litra vaj ushqimor dhe 144 litra tretës/nitro solvent.
• Në automjetin e dytë është hasur në 1470 litra pije joalkoolike.
• Në automjetin e tretë është hasur në 2329 litra pije joalkoolike.
• Në automjetin e katërt është hasur në 900 litra tretës/nitro solvent.
Bëhet e ditur se të gjitha automjetet dhe mallrat janë sekuestrua derisa ka filluar procedura kundërvajtëse. /KosovaNews/
