Institucionet e Republikës së Kosovës po vazhdojnë me angazhimet e tyre për parandalimin e kontrabadimit me mallra.
Kësaj radhe malli i kontrabanduar nga Serbia është kapur nga njësitet e antikontrabandës së Doganës së Kosovës.
Në një njoftim për media thuhet se njësit e Doganës së Kosovës kanë pasur një javë të suksesshme në parandalimin e kontrabandimin ku suksesshme kanë parandaluar gjashtë (6) raste të tentim kontrabandës.
“Fillimisht në Mitrovicë, njësitet e Antikontrabandës të Doganës së Kosovës në bashkëpunim me Policinë e Kosovës kanë arritur të identifikojnë dhe ndalojnë një automjet transpotues i cili ishte duke transportuar 1500 litra Vaj Ushqimor të kontrabanduar nga Serbia përmes rrugëve ilegale”, thuhet në njoftim.
Tutje tregohet se edhe në regjionin e Prizrenit gjatë kontrollit të një ngarkese është vërtetuar se malli badema nuk ka dokumentacion mbi prejardhjen e mallit, sasia e tyre ishe rreth 680 kg.
Derisa në regjionin e Mitrovicës, janë regjistruar tri raste të kontrabandimit të mallrave ku janë parandaluar futja e mallrave si në vijim:
• Rasti 3: 450 litra Pije Jooalkoolike
• Rasti 4: 2000 copë mikro kabllo telefona
• Rasti 5: 10,800 copë vezë të freskëta
Derisa në rastin e fundit dogana ka arritur të parandaloj një automjet të dyshimtë i cili ishte duke transportuar mallra të kontrabanduar nga Serbia, 70 pako Çokollata.
Sasia e përgjithshme e mallrave të konfiskura kalon 6000 mijë kilogram.
Bëhet e ditur se të gjitha mallrat janë konfiskuar si dhe ndaj personave përgjegjës ka filluar procedura kundërvajtëse.
Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi./KosovaNews/
