Të premten në ambasadën e Kosovës në Zagreb, persona të panjohur kanë kryer një vandalizëm, duke vendosur një stiker me inicialet SRB dhe flamurin serb mbi stemën e flamurit të Kosovës.
Lidhur me këtë ka reaguar deputetja shqiptare në Kroaci, Ermina Lekaj-Përlaskaj,.
Ajo tha se incidenti i të premtes në Zagreb është i papranueshëm dhe nxit pakënaqësi të madhe.
Madje theksoi se pret dhe shpreson që të gjithë qytetarët, përfshirë pakicëm serbe në Republikën e Kroacisë, të distancohen nga ky incident.
“Incidenti i sotëm në Zagreb është i papranueshëm dhe nxit pakënaqësi të madhe. Pres dhe shpresoj që të gjithë qytetarët, përfshirë pjesëtarët e pakicës serbe në Republikën e Kroacisë, do të distancohen nga ky incident. Është e qartë se ky incident synon të krijojë trazira në të gjithë rajonin, duke nxitur provokime dhe duke përhapur panik pas ngjarjeve të fundit”, ka shkruar në llogarinë e saj deputetja shqiptare Lekaj-Përlaskaj.
