Mëngjesi i sotëm ishte fatal për turisten 55-vjeçare nga Polonia, e cila po kalonte pushimet në qytetin e Durrësit në hotelin Royal, dyshohet se ajo është rrëzuar nga kati i gjashtë i hotelit ku po qëndronte, ku si pasojë e kësaj, gjeti vdekjen.
Grupi hetimor po vijon hetimet për sqarimin e plotë të rrethanave, bëjnë të ditur mediat vendase.
“Në orët e para të mëngjesit të sotëm, në lagjen nr. 13, dyshohet se aksidentalisht ka rënë nga kati i gjashtë i hotelit ku ishte akomoduar për pushime, shtetasja polake B. V., 55 vjeçe, banuese në Poloni, e cila për pasojë ka humbur jetën. Grupi hetimor vijon punën për sqarimin e plotë të rrethanave të kësaj ngjarjeje”.
