Tuneli tek “Kurrizi” në lagjen Dardania në kryeqytet do të marrë pamje krejt ndryshe.
Kështu Komuna e Prishtinës ka vendosur derisa vetë qytetarët po e mirëpresin një gjë të tillë pasi që kjo hapësirë për rinovim është më së i nevojshëm, njofton KosovaNews.
Plani për rinovim është bërë prej ish-drejtorit të Kulturës, Adrian Berisha, në vitin 2021, ku pati ndarë rreth 40 mijë euro. Tenderi u hap përsëri pasi që nuk kishte ofertues të përshtatshëm dhe kësaj radhe kanë fituar dy kompani AET Group dhe Die Form.
Derisa me pronarët e këtyre operatorëve dhe me drejtorin e Urbanizimit, Arbër Sadiku, janë postuar edhe disa fotografi në rrjetin social Facebook, meqë këta së bashku ligjërojnë në një universitet.
Por si nga pronarët ashtu edhe nga drejtori është mohuar që të ketë pasur ndikim në përfitimin e projektit nga ana e drejtorit Sadiku.
Drejtoria e Kulturës nuk ka dhënë detaje për projektin, por që rinovimi pritet të fillojë në vitin 2023 dhe po në ketë vit të përfundojë.
