Trupat paqeruajtëse të KFOR-it po vazhdojnë me patrullimet e tyre në zonën e kufirit midis Kosovës dhe Serbisë, duke vepruar si një forcë sigurie dhe stabiliteti në rajon.
Kësaj radhe, ushtarët italianë kanë patrulluar në koordinim me Policinë e Kosovës përgjatë vijës kufitare.
Bëhet fjalë për ushtarët nga Regjimenti i parë i Bersaglieri, të Komandës Rajonale Perëndimore.
“Ushtarët italianë nga Regjimenti i parë i Bersaglieri, të caktuar në Komandën Rajonale në Perëndim të misionit KFOR-it të udhëhequr nga NATO , po kryejnë patrullime të koordinuara në këmbë dhe të motorizuara me Policinë e Kosovës, përgjatë vijës kufitare administrative”, ka njoftuar KFOR-i përmes një postimi në rrjetin social “X”.
Italian soldiers from the 1st Bersaglieri Regiment, assigned to the Regional Command West of the #NATO-led #KFOR mission, are conducting coordinated on-foot and motorised patrols with the Kosovo Police, along the Administrative Boundary Line pic.twitter.com/gbUpjLwoKC
— NATO Kosovo Force – KFOR (@NATO_KFOR) February 23, 2024
Mbi 4 mijë trupa nga 28 vende të botës shërbejnë aktualisht në Kosovë, në kuadër të misionit paqeruajtës të Organizatës së Traktatit të Atlantikut Verior (NATO), KFOR. Më shumë se gjysma e forcave janë nga Italia, Shtetet e Bashkuara të Amerikës, Hungaria dhe Turqia. NATO-ja e ka shtuar praninë e saj në Kosovë gjatë vitit 2023, pas rritjes së tensioneve në veriun e banuar me shumicë serbe.
