Një grua rreth të 40-ave është gjetur pa shenja jete mbrëmjen e së enjtes në oborrin e Qendrës Klinike Universitare të Kosovës (QKUK), në një objekt në ndërtim.
Lajmi është konfirmuar për KosovaNews nga zëdhënësi i Policisë për rajonin e Prishtinës, Agron Borovci.
“Sot rreth orës 20:00, është pranuar një informacion për një trup të pajetë në një objekt në ndërtim brenda hapësirës së QKUK-së. Njësitet policore dhe ekipi mjekësor kanë dalë menjëherë në vendin e ngjarjes dhe kanë konstatuar se viktima, një femër rreth 40 vjeç, ishte pa shenja jete,” thuhet në njoftim.
Borovci shton se, ndonëse hetimet e para sugjerojnë mundësinë e një vetëvrasjeje, hetuesia në koordinim me prokurorin e shtetit po shqyrton me kujdes të gjitha rrethanat që lidhen me rastin.
Ekipet e hetuesisë vazhdojnë punën në vendin e ngjarjes, ndërsa priten informacione të mëtejshme nga autoritetet përgjegjëse.
