Presidenti amerikan Donald Trump ka folur sot haptazi për diagnozën e fundit të kancerit të prostatës të ish-presidentit Joe Biden, duke shprehur keqardhje, ndërsa sugjeroi gjithashtu që situata duhet të hetohet.
Ekipi i Biden njoftoi diagnozën të dielën pasdite, duke thënë se ish-burrështetasi “u vizitua për një zbulim të ri të një nyjeje të prostatës pasi përjetoi simptoma në rritje të urinimit”.
“Të premten, ai u diagnostikua me kancer të prostatës, i karakterizuar nga një rezultat Gleason prej 9 (Grupi i Gradës 5) me metastazë në kockë”, shtoi deklarata.
“Ndërsa kjo përfaqëson një formë më agresive të sëmundjes, kanceri duket se është i ndjeshëm ndaj hormoneve, gjë që lejon një menaxhim efektiv”, përfundoi ekipi i Biden.
“Presidenti dhe familja e tij po shqyrtojnë opsionet e trajtimit me mjekët e tij”, u tha ndër tjera.
Duke folur me gazetarët të hënën pasdite, Trump e quajti lajmin “shumë të trishtueshëm, në fakt”.
“Jam i befasuar e dini, opinioni nuk u njoftua shumë kohë më parë sepse për të arritur në fazën e nëntë, kjo është një kohë e gjatë”, tha Trump.
“Sapo bëra kontrollin tim fizik. Kishim mjekët në Shtëpinë e Bardhë dhe në Walter Reed, i cili është një spital fantastik. Bëra një kontroll shumë të plotë fizike, duke përfshirë edhe testet njohëse”, shtoi ai.
Trump iu referua gjithashtu rënies njohëse të Biden gjatë presidencës së tij, duke deklaruar se “kushdo që kandidon për president duhet të bëjë një test njohës”.
“Ata thonë se është jokushtetuese. Por unë do të thosha se në atë rast të veçantë, kryerja e një testi njohës nuk do të ishte aq keq”, tha republikani.
Trump gjithashtu pohoi se opinioni “nuk ishte i informuar” për situatën mjekësore të Biden, dhe sugjeroi që situata duhet të hetohet.
“Mendoj se dikush do të duhet të flasë me mjekun e tij nëse është i njëjti, ose edhe nëse janë dy mjekë të ndryshëm. Pse nuk u diskutua aftësia njohëse, pse nuk u diskutua kjo? Dhe mendoj se mjeku tha se është mirë. Dhe doli që nuk është kështu. Është shumë e rrezikshme”, tha Trump.
Presidenti përfundoi duke thënë se diagnoza e kancerit është “një situatë shumë, shumë e trishtueshme dhe ndihem shumë keq për këtë”.
“Mendoj se njerëzit duhet të përpiqen të zbulojnë se çfarë ka ndodhur, sepse do t’ju tregoj unë. Nuk e di nëse kishte të bënte me spitalin”, shtoi Trump.
“Walter Reed është vërtet i mirë. Ka disa nga mjekët më të mirë që kam parë ndonjëherë. Dikush nuk po i tregon faktet”, përfundoi ai. “Është një problem i madh”, shtoi presidenti amerikan.
