Ministria e Administrimit të Pushtetit Lokal është deklaruar mbi aplikimin për financimin e grantit të performancës së komunave, për fondet IPA.
Përmes një reagimi zyrtar, MAPL-ja thotë se është “e lumtur” që Asociacioni i Komunave të Kosovës ka shprehur shqetësim për këtë proces, pasi sipas MAPL-së, “në të kaluarën, kur ish-ministrat ndërhynin në mënyrë arbitrare në grantin e performancës deri në anulimin e tij, AKK-ja rrinte e heshtur”.
“MAPL ka insistuar në çdo mënyrë që të rritet vlera e grantit. Kemi kërkuar që të ulët ndjeshëm vlera e asistencës teknike (max: të jetë 15% e vlerës totale të grantit), dhe të rritet vlera e grantit, për qëllime të investimeve kapitale në komuna.
Sa i përket financimit të grantit, ky proces nuk rrezikohet në asnjë moment, pasi Sistemi i Performancës Komunale dhe granti i bazuar në performancë komunale janë të rregulluara me ligj, dhe për këtë qellim qeveria ka planifikuar mjete për financim bazuar ne ligjin përkatës” thuhet në reagim të Ministrisë.
Gjatë ditës, AKK-ja ka reaguar ashpër ndaj MAPL-së, duke thënë se po i rrezikon fondet e IPA-s dhe po dështon të ofrojë sqarime zyrtare mbi statusin e aplikimit në fonde.
Ky është deklarimi i plotë i Ministrisë së Administrimit të Pushtetit Lokal:
Lidhur me informatat tendencioze që ndërlidhen me fondet për Grantin e Performancës Komunale, me qëllim që të informojmë opinionin me gjendjen reale, ju konfirmojmë se Ministria e Administrimit të Pushteti Lokal ka aplikuar për financimin e Grantit të Performances së Komunave (Përmes Zyrës NIPAC) për fondet IPA, që ndahen nga Komisionin Evropian.
Ne si MAPL jemi te lumtur qe AKK ka shprehur shqetësimin e tij për këtë proces, pasi ne te kaluarën kur ish-ministrat ndërhynin ne mënyrë arbitrare ne Grantin e performances deri ne anulimin e tij, madje edhe kur te gjithë donatoret shprehnin shqetësimin e tyre AKK rrinte e heshtur.
Qeveria dhe MAPL ne vitin 2022, Sistemin e Performancës Komunale dhe Grantin e bazuar në performancë komunale e kanë rregulluara me ligj, dhe ne këtë mënyrë e kemi pamundësuar ndërhyrjen arbitrare te ministrave ne këtë sistem.
MAPL ka insistuar ne çdo mënyrë qe te rritet vlera e grantit. Kemi kërkuar që të ulët ndjeshëm vlera e asistencës teknike (max: të jetë 15% e vlerës totale të grantit), dhe të rritet vlera e Grantit, për qëllime të investimeve kapitale në komuna.
Sa i përket financimit te Grantit, ky proces nuk rrezikohet ne asnjë moment, pasi Sistemi i Performancës Komunale dhe Granti i bazuar në performancë komunale janë të rregulluara me ligj, dhe për këtë qellim qeveria ka planifikuar mjete për financim bazuar ne ligjin përkatës.
Gjithashtu, ditët ne vijim qeveria e Kosovës do te zhvilloj takime direkt me BE – Komisionin Evropian, lidhur me aplikimin qe ka bere MAPL për fondet IPA.
