Turqia do të jetë nesër mikpritëse e një takimi të rëndësishëm lidhur me luftën në Ukrainë. Sipas burimeve zyrtare, delegacioni rus dhe ai ukrainas pritet të takohen në Stamboll për të diskutuar mundësitë e një zgjidhjeje paqësore, transmeton KosovaNews.
Presidenti i SHBA-së, Donald Trump, duke folur për gazetarët në avionin presidencial Air Force One, deklaroi se ka mundësi të marrë pjesë në bisedime, transmeton KosovaNews.
“Putini dëshiron që unë të jem në Stamboll dhe kjo është e mundur. tha ai.
” Nesër do të jemi në Emiratet e Bashkuara Arabe. Kemi një program shumë të ngarkuar. Por kjo nuk do të thotë që nuk mund të kthehemi për të shpëtuar jetë”, theksoi Trump.
Delegacioni Rus Përcaktohet Sot
Zëdhënësi i Kremlinit, Dmitri Peskov, njoftoi se delegacioni rus që do të marrë pjesë në takimin e paqes do të përcaktohet në mbrëmje. Ai theksoi se anëtarët do të bëhen publik “kur Putini të japë udhëzimet.” Delegacioni rus pritet të arrijë në Stamboll nesër për të nisur diskutimet me palën ukrainase.
Zelenski: Mosprania e Putinit, Sinjal për Botën
Presidenti ukrainas, Volodymyr Zelenski, ka komentuar mungesën e Putinit në bisedime, duke thënë se kjo tregon mungesën e një angazhimi serioz për paqen dhe negociatat. “Mospjesëmarrja e Putinit në takimet në Turqi do të jetë një sinjal i qartë për të gjithë botën se ai nuk ka një qëllim serioz për paqen dhe negociatat,” u shpreh Zelenski.
Takimi i nesërm pritet me interes të madh, pasi mund të përcaktojë hapat e ardhshëm drejt një marrëveshjeje paqësore. Do të mbetet për t’u parë nëse ky raund negociatash do të sjellë rezultate konkrete./KosovaNews/
