Presidentja e Kosovës, Vjosa Osmani, u ka shprehur ngushëllime familjeve të të vdekurve në stampedon në qendrën e kryeqytetit të Koresë së Jugut, gjatë festimeve të “Natës së Shtrigave”.
Deri pak para mesnate është raportuar për 146 të vdekur e më shumë se 150 të lënduar si pasojë e stampedos në turmën prej rreth 100 mijë personash. Qytetarët ishin mbledhur në masë të madhe, pasi ishte festa e parë e organizuar pa maska, që kur ka shpërthyer pandemia.
“E trishtuar nga tragjedia që ka ndodhur në Seul. Me mendje jemi me të dashurit e atyre që kanë vdekur dhe me popullin e Koresë së Jugut. U urojmë shërim të shpejtë të lënduarve dhe forcë për ekipet emergjente”, ka shkruar ajo në Twitter.
Saddened by the tragedy unfolding in Seoul. Our thoughts are with the loved ones of those who have died and with the people of South Korea.
— Vjosa Osmani (@VjosaOsmaniPRKS) October 29, 2022
Wishing a speedy recovery to the injured and strength for the first responders.
