Deputetja nga radhët e Partisë Demokratike të Kosovës (PDK), Floretë Zejnullahu, ka folur gjatë seancës së sotme për këshilltaren e kryeministrit Albin Kurti, Dejona Mihali, e që sipas Zejnullahut ajo e kontrollon sferën politike në Kosovë.
“Dejona Mihali e cila nuk është as ministre, as deputete, madje nuk mban asnjë pozitë drejtuese në Republikën e Kosovës – absurditet që ndodh vetëm në Kosovën që e udhëheq Albin Kurti”.
Pasi shtroi disa pyetje në lidhje me Mihalin dhe e përfundoi fjalën e saj, ajo iu drejtua dikujt nga Lëvizja Vetëvendosje që ta qepë gojën.
“Ti, veç mshele ti!”, thotë Zejnullahu me zë të lartë deri sa largohet nga foltorja e Kuvendit.
E sharje e gjuhë joparlamentare deputetët e opozitës kanë përdorë edhe në raste të tjera.
Është deputeti i PDK-së, Abelard Tahiri i cili në nëntor të vitit 2022 pasi kishte folë për situatën e krijuar në veri pas dorëheqjeve nga Lista Serbe nuk e pati fajësuar Serbinë, por Qeverinë e Kosovës, ndërsa pas mbarimit të fjalimit i ka sharë e kërcënuar ministrat e kabinetit qeveritar.
DETAJE:
Ndërkaq deputeti nga radhët e LDK-së, Kujtim Shala në një seancë që u mbajt në muajin mars të vitin 2023 pati përdorë gjuhë rrugësh, duke e sharë kryeministrin Albin Kurti në Kuvend.
“Phu, t’q**** tradhtarin e nanës”, dëgjohet duke thënë Shala për Kurtin.
DETAJE:
